Молитва об усопших

Боже духов и всякой плоти, смерть поправый и диавола упразднивый, и жизнь миру Твоему даровавый! Сам, Господи, упокой душу усопшего приснопоминаемого(ую) (имя) в месте светлом, в месте блаженном, в месте покойном, где нет болезни, печали и воздыхания. Всякое согрешение, содеянное ими словом или делом или помышлением, яко благий Человеколюбец Бог прости, ибо нет человека, который пожил бы и не согрешил. Ты один Господи без греха, правда Твоя — правда во веки, и слово Твое — истина. Яко Ты еси Воскресение и Жизнь, и Покой усопших рабов Твоих,   Христе Боже наш, и Тебе славу   возсылаем со безначальным Твоим Отцем и Пресвятым, и Благим, и  Животворящим Твоим Духом, ныне и присно и во  веки веков. Аминь.

Молитва об усопшем без покаяния

Взыщи, Господи, заблудшую душу (имя), если возможно есть, помилуй! Неисследимы судьбы Твои. Не постави мне во грех сей молитвы моей. Но да будет святая воля Твоя. Ибо Ты Бог милости, щедрот и человеколюбия и Тебе славу воссылаем во веки веков. Аминь.

Молитва вдовы

Христе Иисусе, Господи и Вседержителю! Ты плачущих утешение, сирых и вдовиц заступление. Ты сказал: призови Меня в день скорби твоей, и изму тебя. Во дни скорби своей прибегаю я к Тебе и молюсь Тебе: не отврати лица Твоего от меня и услыши моление мое, приносимое Тебе со слезами. Ты, Господи Владыка всяческих, благоволил сочетать меня с единым из рабов Твоих, во еже быти нам едино тело и един дух; Ты дал мне сего раба, яко сожителя и защитника. Твоей же благой и премудрой воле изволилось отнять от меня мужа мего и оставить меня одну. Преклоняюсь пред сею Твоею волею и к Тебе прибегаю во дни скорби моей: утоли печаль мою о разлучении с рабом Твоим, другом моим. Хоть и отнял его от меня, но не отними от меня Своей милости. Якоже некогда приял еси вдовицы две лепты, тако приими и сие моление мое. Помяни, Господи, душу усопшего раба Твоего (имя), прости ему все согрешения его, вольная и невольная, аще словом, аще делом, аще ведением и неведением, не погуби его со беззакониями его и не предай вечной муке, но по великой милости Твоей и по множеству щедрот Твоих ослаби и прости вся согрешения его и упокой его со святыми Твоими, где нет болезни, ни печали, ни воздыхания, но жизнь безконечная. Молю и прошу Тебя, Господи, даруй мне во все дни жизни моей не переставать молиться о усопшем муже моём, и даже до исхода моего просить у Тебя, Судьи всего мира, оставления всех согрешений его и вселения его в Небесные обители, которые Ты уготовал любящим Тебя. Ибо нет человека, который пожил бы и не согрешил, Ты един кроме греха, и правда Твоя – правда во веки. Верую, Господи, и исповедую, яко Ты услышиши моление мое и не отвратиши лица Твоего от меня. Видя вдовицу, горько плачущую, умилосердился, сына её, на погребение несомаго, воскресил еси: тако умилосердився, утиши и скорбь мою. Якоже открыл еси рабу Твоему Феофилу, отшедшему к Тебе, двери милосердия Твоего и простил ему прегрешения его по молитвам Святыя Церкве Твоея, внемля молитвам и милостыням супруги его: тако и я молю Тебя, приими мое моление о муже моем и введи его в жизнь вечную. Яко Ты еси упование наше. Ты еси Бог, Который милует и спасает, и Тебе славу возсылаем со Отцем и Святым Духом. Аминь.

Молитва вдовца

Христе Иисусе, Господи и Вседержителю! В сокрушении и умилении сердца моего молюсь Тебе: упокой, Господи, душу усопшей рабы Твоей (имя), в Небесном Царствии Твоем. Владыко Вседержителю! Ты благословил еси супружеский союз мужа и жены, сказав: не добро быть человеку единому, сотворим ему помощника по нему. Ты освятил еси союз сей во образ духовного союза Христа с Церковью. Верую, Господи, и исповедую, яко ты благословил сочетать и меня этим  святым союзом с единою из рабынь Твоих. Твоей же благой и премудрой воле изволилось отняти у меня сию рабу Твою, которую дал мне, яко помощницу и спутницу жизни моей. Преклоняюсь пред сею Твоею волею, и молюсь Тебе от всего сердца моего, приими моление мое сие о рабе Твоей (имя), и прости ей, аще согреши словом, делом, помышлением, ведением и неведением; аще земное возлюби паче небеснаго; аще о одежде и украшении тела своего печеся паче, неже о просвещении одеяния души своей; или аще небреже о чадах своих; аще преогорчи кого словом или делом; аще пороптала в сердце своем на ближнего своего или осуди кого или ино что от таковых злых содела. Вся сия прости ей, яко благий и человеколюбивый: яко нет человека, который пожил бы и не согрешил. Не вниди в суд с рабою Твоею, яко созданием Твоим, не осуди её по грехом ея на вечныя муки, но пощади и помилуй по великой милости Твоей. Молю и прошу Тя, Господи, сил даруй ми по вся дни жизни моея не преставая молитися о усопшей рабе Твоей, и даже до кончины живота моего просити ей у Тебе, Судии всего мира, оставления согрешений ея. Да яко же Ты, Боже, положил еси на главу ея венец от камене честна, венчая её здесь на земле; тако увенчай её вечною Твоею славою в Небеснем Царствии Твоем, со всеми святыми, тамо ликующими, да вкупе с ними вечно воспевает всесвятое имя Твое с Отцем и Святым Духом. Аминь.

Молитва родителей о почивших детях

Господи Иисусе Христе, Боже наш, Владыко жизни и смерти, Утешителю скорбящих! С сокрушенным и умиленным сердцем прибегаю к Тебе и молюсь Тебе: помяни. Господи, во Царствии Твоем усопшего раба Твоего (рабу твою), чадо мое (имя), и сотвори ему (ей) вечную память. Ты, Владыка жизни и смерти, даровал мне чадо сие. Твоей же благой и премудрой воле изволилось и отнять его у меня. Буди благословенно имя Твое, Господи. Молю Тебя, Судья неба и земли, безконечной любовью Твоею к нам, грешным, прости усопшему чаду моему вся согрешения его, вольная и невольная, словом, делом, ведением и неведением. Прости, Милостиве, и наши родительская согрешения. Знаем, яко много согрешили пред Тобою, много не соблюдали, не сотворили, что Ты нам заповедал. Если же усопшее чадо наше совершало грехи против Тебя и ближних своих, по нашей или своей вине, пренебрегая служению добродетелями Тебе, Господу и Богу своему: если возлюби прелести мира сего, а не паче Слово Твое и заповеди Твоя, если предавшеся сластям житейским, а не паче сокрушению о грехах своих, и в невоздержании бдение, пост и молитву забвению предавше – молю Тебя усердно, прости, преблагой Отец, чаду моему вся таковая прегрешения его, прости и ослаби, аще и иное злое сотвори в житии сем. Христе Иисусе! Ты воскресил дочь Иаира по вере и молитве отца её. Ты исцелил дочь женщины хананейки по вере и прошению матери её: услыши и молитву мою, не презри и моления моего о чаде моем. Прости, Господи, прости вся согрешения его и, простив и очистив душу его, изми муки вечныя и всели со всеми святыми Твоими, от века благоугодившими Тебе, где нет болезни, ни печали, ни воздыхания, но жизнь безконечная: ибо нет человека, который жив будет и не согрешит, но Ты Един без всякого греха: ибо когда будешь творить суд мiру сему, услышит чадо мое превожделенный голос Твой: приидите, благословенные Отца Моего, и наследуйте уготованное вам Царствие от сложения мира. Яко Ты еси Отец милостей и щедрот. Ты живот и воскрешение наше, и Тебе славу возсылаем со Отцем и Святым Духом, ныне и присно и во веки веков. Аминь.

Молитва детей об усопших родителях

Господи, Иисусе Христе, Боже наш! Ты сирых хранитель, скорбящих прибежище и плачущих утешитель. Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, милосердый Господи, утоли скорбь мою о разлучении с родившим и воспитавшим (родившей и воспитавшей) мя родителем моим (материю моею), (имя) (или: с родившими и воспитавшими мя родителями моими, имена их) – , душу же его (или: ея, или: их), яко отшедшую (или: отшедшие) к Тебе с истинною верою в Тя и с твердою надеждою на Твое человеколюбие и милость, приими в Царство Твое Небесное.

Преклоняюсь пред Твоею святою волею, еюже отъят (или: отъята, или: отъяты) бысть у меня, и прошу Тебя, не отыми только от него (или: от нея, или: от них) милости и благосердия Твоего. Знаю, Господи, яко Ты Судия мира сего, но и милуешь отцов за молитвы и добродетели чад их, внуков и правнуков. С сокрушением и умилением сердца молю Тебя, милостивый Судия, не осуди на вечное мучение   усопшего незабвеннаго (усопшую незабвенную) для мене раба Твоего (рабу Твою), родителя моего (матерь мою) (имя), но отпусти ему (ей) вся согрешения его (её) вольная и невольная, словом и делом, ведением и неведением совершенные им (ею) в житии его (её) здесь на земле, и по милосердию и человеколюбию Твоему, молитв ради Пречистыя Богородицы и всех святых, помилуй его (её) и вечныя муки избави.

Ты, милосердый Отче родителей и детей! Даруй мне, во вся дни жизни моей, до последнего вздоха моего, не переставать помнить о усопшем родителе моем (усопшей матери моей) в молитвах своих, и молиться Тебе, праведному Судье, да упокоишь его (её) в месте светлом, в месте прохладном и в месте покойном, со всеми святыми, где нет всякой болезни, печали и воздыхания.

Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне и присно и во веки веков. Аминь.

Заупокойное поминание схиигумена Саввы

Помяни, Господи, души усопших раб Твоих: в сей день, в сей час, в сей момент от сего мира отшедших в надежде Воскресения, в огне, в воде, в пути, от мороза, от голода без покаяния и причастия почивших и за православную веру жизнь свою положивших, сирот, нищих и неимеющих близких, старцев, стариц, подвижников, подвижниц, праотцев, отец и матерей, братьев и сестер наших и всех, кои просили молиться, имена же Ты знаешь, Господи. Помяни всех нами поминаемых (имена). Упокой, Господи, души раб Твоих: родителей, братьев и сестер наших, всех зде нами поминаемых (имена). Господи, упокой души отцев моих духовных, наставников, учителей и всех послуживших мне (имена). Упокой, Господи, иерея, иже совершил святое таинство крещения и миропомазания надо мною. Господи, упокой души всех братий моих, которые оказали мне помощь словом, делом и любовью. Господи, упокой всех,  от зверей пострадавших, от молнии, огня. Господи, упокой всех, иже на воздухе посреде дубрав и пустыней, морей и гор, льдов и землитрясений жизнь свою скончали и имена их никому неведомы. Упокой, Господи, на поле брани за веру и Отечество жизнь свою положивших и всех в пещерах погребенных, и от голода скончавшихся. Упокой, Господи, иже в сей час от телес разлучаются. Матерь Божия, Заступница всех сирых и убогих, буди Матерью и душам сих усопших рабов и доведи до Престола Сына Твоего. Иисусе, Боже Милостивый, упокой души раб Твоих, о них же ныне память творим. Аминь.

Молитва родственников самовольно жизнь скончавшего

Владыко, Господи, Милостивый и Человеколюбивый, к Тебе взываем: согрешали и беззаконничали пред Тобою, преступили  спасительные Твои заповеди и любви евангельской отчаявшемуся брату нашему имя (отчаявшейся сестре нашей) не явили. Но не яростью Твоею обличи нас, ниже гневом Твоим накажи нас, Человеколюбче Владыко, ослаби, исцели сердечную скорбь нашу, да победит множество щедрот Твоих грехов наших бездну, и Твоей бесчисленной благости пучина да покроет горькое слез наших море. Ей, Иисусе Сладчайший, еще молимся, подай нам, сродникам, жизнь свою самовольно скончавшего, в скорби утешение и на милость Твою твердое упование. Взыщи, Господи, душу самовольно жизнь скончавшего, аще возможно есть, помилуй! Неисследимы судьбы Твои. Не постави мне во грех сей молитвы моей. Но да будет святая воля Твоя. Яко Милостив и Человеколюбец Бог еси, и Тебе славу возсылаем со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.